परतवाडा (जि. अमरावती) : अचलपूर येथील बुंदेलपूर येथे नागपंचमी मोठ्या उत्साहात साजरी करण्यात आली.
परिसरातील नागरिकांनी एकत्र येऊन नागमंदिरात पूजा करून विविध धार्मिक कार्यक्रम केले. या निमित्ताने मंदिरासमोर भव्य फुलोरा लटकवण्यात आला होता. ज्या व्यक्तीने उंच उडी मारून या फुलोऱ्याला स्पर्श केला, तिला विशेष सन्मान दिला गेला. त्याचप्रमाणे लहान मुलींनी कापडी बाहुल्या बनवून त्यांचे पूजन केले. पंचब्रुज महाकाली परिसरात रंगलेल्या या कार्यक्रमात लहान मुलींसह अनेक जण सहभागी झाले होते. या वेळी आबालवृद्धांसाठी कुस्तीच्या स्पर्धांचे आयोजन करण्यात आले होते.
